 |
| یانه‌یا به‌رشه‌لۆنا یا ئسپانی تۆشی ئێکه‌م دۆڕاندن بوو لڤی وه‌رزی بئه‌نجامێ 2-3 لسه‌ر ده‌ستێ یانه‌یا پاریس سانجێرمان یا فره‌نسی و ل یاریگه‌ها وێ، ژ چارچۆڤێ قاره‌مانیا یانه‌یێن ئۆرۆپا د خۆلا کۆمان دا، هه‌روه‌سا ئێکه‌م جار بوو دڤی وه‌رزی دا تۆرا گۆلا یانه‌یا که‌ته‌لۆنی هاتیه هه‌ژاندن و پێشوازیا سێ گۆلێن فره‌نسی کر، رۆژنامه‌یا سپۆرت یا که‌ته‌لۆنی دیار کر کو هه‌ردوو به‌رگریکارێن ره‌خان یێن یانه‌یا به‌رشه‌لۆنا ئه‌گه‌رێ ژناڤبرنا یانه‌یا که‌ته‌لۆنی بوون د یارییا چامپیۆنس لیگێ دا، ڤێ رۆژنامێ ته‌که‌ز کر کو یاریکه‌ر جۆردی ئه‌لبا و دانیێل ئه‌لڤێش نه ل ئاستێ پێتڤی بوون، دیسان دیار کر یاریکه‌رێن به‌رشه‌لۆنا نه‌شیان کۆنترۆلێ لسه‌ر یاریکه‌رێ خۆدان شیانێ به‌رازیلی لۆکاس مۆرا بکه‌ن و لپشت هه‌ر هێرشه‌کا پاریس سانجێرمان لۆکاس مۆرا یێ داهێنه‌ر بوو، ژلایه‌کێ دیڤه راهێنه‌رێ پاریس سان جێرمان یێ سه‌رکه‌ڤتی بوو د پلانا خۆدا لده‌مێ ده‌ست ب هێرشان کری، هه‌روه‌سا به‌ری یاریێ دیار کر بوو کو ئه‌و دێ ده‌ست بهێرشان که‌ن و نه بتنێ دێ به‌رگریێ که‌ن، هه‌ژی گۆتنێ یه یانه‌یا فره‌نسی بێی پشکدارییا ناڤدارترین ستێرێن خۆ ئه‌ڤ یاریه ئه‌نجام دا، مینا ئه‌ژده‌هایێ هێرشبه‌ران زلاتان ئیبراهیمۆڤیچ، لاڤێتزی، دلێ هێلا به‌رگریێ تیاگۆ سێلڤا، وه‌کو یا دیار ئه‌گه‌ر ڤان یاریکه‌رێن خۆدان شیان پشکداری کربا دیاریێ دا، چێدبیت ئه‌نجام یێ گرانتر با لسه‌ر یانه‌یا به‌رشه‌لۆنا. |
-
Blogger Comment
-
Facebook Comment
Subscribe to:
Post Comments
(
Atom
)
0 comments :
Post a Comment