وه‌زاره‌تا به‌رگریا ئه‌مریكا پنتاگۆن راگه‌هاند، ژ ده‌سپێكا هێرشێن فرۆكه‌یێن شه‌ڕكه‌ر یێن ئه‌مریكا بۆ سه‌ر مولكێن رێكخراوا داعش تایبه‌ت دوهى چارشه‌مبێ فڕۆكه‌یێن شه‌ڕكه‌ر 154 هێرشێن ئاسمانى ئه‌نجامداینه و 212 ئامانجێن داعشێ ژناڤبرینه.
پنتاگۆن دبه‌یاننامه‌كێ دا راگه‌هاند، فڕۆكه‌یێن شه‌ڕكه‌ر یێن ئه‌مریكا 154 هێرش دژى داعشێ ئه‌نجامداین و دوان هێرشاندا 212 ئامانجێن داعشێ ژناڤبرینه، دیسا 88 ترۆمبێلێن زرێپۆش و 37 ترۆمبێلێن سه‌ربازى و 12 زرێپۆشن ڤه‌گۆهاستنا سه‌ربازى، دیسا زرێپۆشێن دژى مینان و چه‌ند بۆمبێن چاندنێ تێكشكاندینه و 21 ترۆمبێلێن جودا و چه‌ندین زیانێن دى ب داعشێ گه‌هاندینه.
دیسا د به‌یاننامه‌یا پنتاگۆن دا هاتییه، ویلایه‌تا ئێكگرتیا ئه‌مریكا پتر ژ 1000 فه‌رمانبه‌ر ل ئیراقێ هه‌نه و پتر ژ 700 سه‌ربازێن دى ل ئیراقێ سه‌ر ب نڤیسنگه‌ها هاریكاریێن ئه‌منى ڤه‌نه بۆ پاراستنا جانێ دیپلۆماتكارێن ئه‌مریكى دامه‌زراندینه، دیسا زێده‌تر ژ 300 فه‌رمانبه‌رێن دى ل به‌غدا و هه‌ولێر سه‌ربه‌رشتیا پرۆسه‌یا ئێمناهیێ دكه‌ن.
0 comments :
Post a Comment